في ليلة من ليالي الصيف كنت سهرانة بدون علم حدا وكانت الساعة 3 بالليل تقريبا كنت فاتحة تطبيق انستقرام (instagram) وعم حاكي رفقاتي فلاحظت انو بعض الناس يللي متابعتهم حاططين ستوري (حالة) فاتطلعت عالكل وبقي وحدة عندي فتحتها فلقيت مكتوب "عندي فيديو الجريمة كامل يللي بده ياه يقللي" فانا الفضول يللي ما بيسمحلي اتجاهل وخاصة انو جريمة بعتت للشخص يللي حاطط الستوري انو بدي الفيديو فمارضي طبعا انا اصريت كتير عليه ومع ذلك مافي امل فتركت الانستا ورحت شوف التطبيقات التانية فتقريبا كل يللي شفته كان عن هي الجريمة وانا الفضول قتلني شو ممكن تكون قصة الجريمة,ليش,وين.كيف ف رجعت لعند هداك الشخص وحاولت اقنعه وبعد تردد كتير بعتلي الفيديو واخيرا . حملت الفيديو ووقت الاشعارات مشان شوفه بدون ما يزعجني حدا قبل ما افتحه ترددت لانو الخلفية كانت كتير سيئة واخيرا فتحت الفيديو وبعد شوي من المشاهدة سكرته وطفيت الجوال وصرت ارجف لانو كتيير كان سيء وكان مافي حدا غيري بالغرفة وصرت اتخيل اصوات وصرت قول كيف ممكن حدا يقتل حدا بكل دم بارد وبعد هي الليلة قررت ما شوف جرائم او شي مرعب
:rotate(0)/7f1vq6rcs68dixb2bq4uoz7nars4)